lovely Poetry Ever

Kabhi Kabhi Mere Dil Mein Khayal Aata Hai

Ke Zindagi Teri Zulfon Ke Narm Chaon Mein

Guzarne Pati Tou Shadab Ho Bhi Sakati Thi

Yeh Tergi Jo Meri Zist Ka Muqaddar Hai

Teri Nazar Ke Shuaon Mein Kho Bhi Sakti Thi

Ajab Na Tha Ke Main Begana-E-Alam Ho Kar

Tere Jamal Ke Ranaiyon Mein Kho Rehta

Tera Gudaz Badan Teri Nem-Bar Ankhein

Inhin Hasin Fasanon Mein Maho Rehta

Pukartin Mujhe Jab Talkhiyan Zamane Ki

Tere Labon Se Halawat Ke Ghont Pi Leta

Hayat Chikhti Phirti Barhana-Sir, Aur Main

Ghaneri Zulfon Ke Saye Mein Chhup Ke Ji Leta

Magar Yeh Ho Na Saka Aur Ab Ye Aalam Hai

Ke Tu Nahin, Tera Gum, Teri Justaju Bhi Nahi

Guzar Rahi Hai Kuch Is Tarah Zindagi Jaise

Ese Kisi Ke Sahare Ki Aarzoo Bhi Nahi

Zamane Bhar Ke Dukhon Ko Laga Chuka Hun Gale

Guzar Raha Hun Kuch Anjani Guzar-Gahon Se

Muhib Saye Meri Simt Badhte Aate Hain

Hayat-O-Maut Ke Purhoul Kharazaron Se

Na Koi Jagha Na Manzil Na Roshni Ka Suragh

Bhatak Rahi Hai Khalaon Mein Zindagi Meri

Inhin Khalaon Mein Reh Jaunga Kabhi Khokar

Main Janta Hun Meri Ham-Nafs Magar Yun Hi

Kabhi Kabhi Mere Dil Mein Khayal Aata Hai